Transformasyen menua pesisir ulih ngangkatka tikas pengidup rayat ba menua Sarawak

Sepemanjai 53 taun Sarawak udah merdeka dalam menua Malaysia, mayuh udah pemansang ti diterima rayat ba menua Sarawak kelebih agi rayat ba menua pesisir. Pemansang menua pesisir mai tuju ti manah kena raban bansa di menua pesisir berubah ngagai renggang singkang pemansang dunya moden sereta nambahka penatai pemisi pengidup sida iya ba alai sida diau tauka di rumah panjai. Tuju iya, iya nya kena nentuka langgur pemansang menua pesisir ke agi seriran enggau Wawasan 2020. Nyadi dalam menua Sarawak, transformasyen menua pesisir ulih ngangkatka tikas pengidup rayat laban pengawa ti majak ngemansangka menua pesisir tu disadang mai pengelantang ngagai rayat menua Sarawak kelebih agi ngagai bansa Iban ti nyadi raban bansa ti pemadu mayuh ba menua Sarawak sereta agi mayuh mengkang diau di menua pesisir tauka ulu sungai ngambika sida ulih betapat enggau orang ti diau di nengeri ari sukut penemu enggau pemandai napi dunya moden kemaya hari tu. 

            Kelimpah ari nya, siti ari gerim ke bisi digaga perintah kena ngemajuka tauka meri transformasyen ngagai menua pesisir iya nya Gerim Transformasyen Menua Pesisir tauka Rural Transformation Programme ( RTP) ti nyadi fokus ketiga dalam Presentasyen Bajet 2012 ke dipadahka Kepala Menteri Menua Malaysia ba taun 2011. Tuju gerim tu dipejalaika iya nya nyadika siti ari gerim ke meri transformasyen ngagai menua pesisir kena nyediaka peluang kereja ngagai peranak menua pesisir serta bejalaika pengawa ekonomi.  

Ari nya, Palan Transformasyen Menua Pesisir tauka Rural Transformasyen Centre (RTC) ditumbuhka nyadika palan kena bejalaika inisiatif perintah ba baruh National Blue Ocean Strategy 4 (NBOS4). Kesemua inisiatif tu dipejalaika ba RTC lalu ngembuan endur 100km radius ari palan tu. Nangka ke diatu menua Sarawak semina ngembuan 2 Palan Transformasyen Menua Pesisir iya nya ba Bekenu, Miri enggau Betong. Enggau numbuhka palan tu ulih meri pengelantang sereta nikika tikas pengidup rayat Sarawak kelebih agi ari sukut pelajar, ekonomi, pengelandik, insfrastruktur sereta pengerai rayat ba menua pesisir ti agi kurang ari sukut tu laban ti diau jauh ari nengeri.

Pelajar ba menua pesisir

            Kena ngemansangka pelajar ba menua pesisir, dia perintah bisi ngatur inisiatif kerejasama universiti dalam negapka agi kaul entara nengeri enggau menua pesisir. Volunteerism enggau Knowledge Transfer Programme  iya nya pugu ngagai inisiatif tu. Gerim tu dikena meri penemu enggau penau ngagai nembiak ba menua pesisir lalu ngadaka raban bansa ke penemu kena nyapai objektif nikika tikas sosio-ekonomi raban bansa luar. Entara chunto pengawa ke dipejalaika dalam gerim tu iya nya baka Health for Malaysia, Educate Malaysia enggau Rural Ambassador. Nengah gerim tu, rayat menua pesisir enda tinggal ari kena pemansang dalam pengawa belajar lebih-lebih agi pelajar tu siti ari elemen ke beguna dalam idup kemaya hari tu. Ari pelajar mega, rayat menua pesisir ulih nikika agi tikas pengidup sida kena ngulihka kereja.

            Nambahka nya, gerim ti dipejalaika mega kena meri penemu ngagai orang menua pesisir kelebih agi orang ba rumah panjai awakka sida nemu guna pelajar ngagai pengidup sida besehari-hari. Apai indai di rumah panjai ulih meransang anak sida besekula lalu mujur bulih pengawa laban ngembuan penemu senentang guna pelajar dalam pengidup kemaya hari tu. Ukai nya aja, mujur dalam sekula mega ulih mantu peranak rumah panjai ngangkatka tikas pengidup sida lalu sida enda tinggal ari kena empas pemansang ti bisi ba menua nengeri.

Ekonomi

            Ari sukut ekonomi, rayat menua pesisir mayuh agi ngereja pengawa betanam betupi. Pengawa betanam betupi tu mih nyadi ke asil ekonomi ngagai ruang bilik siku-siku ba menua pesisir. Dalam nikika tikas pengidup rayat menua pesisir, dia perintah nengah Opis Betanam Betupi meri bantu ngagai rayat kena sida ngemansangka pengawa betanam betupi. Bala orang Opis Betanam Betupi bisi mekalka ngagai orang ke bulih bantu dalam ngereja pengawa betanam betupi baka meri baja, sum, anak jelu baka manuk, ikan enggau mayuh agi macham bantu ngagai rayat di menua pesisir. Enggau bulih bantu ti baka tu tau meri penguntung ngagai rayat di menua pesisir ngambika sida ransing ati deka ngangkatka diri sereta ngubah chara idup sida lebih agi baka ke udah. Sida ulih ngangkatka tikas pengidup diri nengah mayuh macham chara baka ngaga pengawa dagang ti mit dulu sebedau nyadi besai. Pengeransing ati patut dikembuan sida enti deka maju dalam pengawa ekonomi tu laban ngembuan mayuh penguji ti ditapi lebuh ngereja pengawa tu ketegal ti ngembuan risiko tauka penusah tinggi enda baka pengawa bukai sekalika sida tau untung lalu tau mega rugi.

            Berindik ari nya, rayat menua pesisir mega ulih minta bantu ukai semina kena sida betanam enggau betupi, tang mega ulih minta mesin baka injin berau, injin padi, injin getah enggau ti bukai. Kereban  tauka mesin ti baka tu ulih mai penyenang ngagai bala rayat lalu sida ulih ngasaika pemansang ari gaya sida ngereja pengawa besehari-sehari sereta sida ulih nitihka singkang pemansang betanam betupi moden kemaya hari tu. Ngambika sida nemu agi senentang pengawa ekonomi dalam betanam enggau betupi, dia perintah nengah Opis Betanam enggau Betupi patut meri kus senentang pengawa betanam enggau betupi ngagai rayat menua pesisir ngambika sida enda sengapa rembang aja ngereja pengawa betanam betupi lalu nengah jalai ti betul. Ari nya, sida ulih ngaga pengawa betanam enggau betupi tu ba tikas komersial ti ulih mai penguntung ngagai rayat di menua pesisir lalu bulih pemasar ari pelilih menua pesisir dia empu enggau orang ti sebelah nengeri. 

            Ukai nya aja, ngaga produk tauka asil betanam nyadi pemakai mega siti ari chara dikena ngelakuka dagang ba menua pesisir. Nengah pengawa tu, pedagang dalam bidang begagaka pemakai ke nekanka pemansang enggau nikika kualiti produk ngambika ulih didagang ba dalam enggau luar nengeri. Pia mega, fokus mega ngagai aktiviti nilai tambah enggau ngemansangka pedagang industri pugu betanam nasional (asas tani nasional) ke ulih nikika agi penatai pemisi orang menua pesisir kelebih agi ke agi ngereja pengawa betanam betupi ngambika sida ngasaika pemansang ti diberi perintah.

Insfrastruktur  Menua Pesisir

            Ari sukut infrastruktur, diatu menua pesisir ba menua Sarawak mayuh udah bulih bekal ai, karan, jalai enggau bisi arus komunikasyen. Bekal ai pengambis beguna ngagai rayat menua pesisir laban ai siti ari pugu pengidup ti pengambis beguna. Perintah udah meri bantu nengah chara ngaga tekat ai kena nekat ai awakka bulih ai ti beresi ngambika rayat di menua pesisir kelebih agi menua ba ulu sungai ti tusah dilawa sereta enda datai jalai bulih penyenang tu. Ukai nya aja, bekal karan mega bisi disediaka perintah ngagai rayat menua pesisir ngambika sida ulih ngurangka bekenaka injin api tauka generator. Dalam meri bantu kuasa karan tu, perintah ngena meri penatai kuasa karan tu enggau betikas nitihka menua ti senang dilawa kelebih agi menua ti udah datai jalai. Penatai bekal ai enggau kuasa karan tu mega bisi kaul enggau jalai alun ti ngaulka menua siti enggau menua siti. Ambika chunto baka jalai alun ngagai menua Kapit ti benung digaga diatu ngenyenangka agi orang ngaga tiang kena mekalka kuasa karan ngagai menua pesisir kelebih agi orang rumah panjai ke agi begunaka injin api ba rumah sida iya. Nengah bekal kuasa karan tu, rayat menua pesisir ngasaika penyenang lalu ulih ngelimatka belanja sida bebelika minyak injin api ti begunaka kus ti mar agi enti dibandingka enggau ngena kuasa karan.

            Ukai semina nya aja, diatu Projek Pan Borneo ba menua Sarawak benung digaga lalu dipelabaka tembu dalam taun 2022 ila. Projek Pan Borneo tu mayuh mai penguntung ngagai menua Sarawak kelebih agi rayat ba menua pesisir ti beguna jalai alun kena sida ngelawa siti-siti endur lebuh bisi pengawa ti beguna. Ari projek tu mega, peluang bekereja ti disediaka dipelebaka dalam penyampau 400,000 kereja ti baru. Utai ti baka tu ulih meri peluang bekereja ngagai rayat menua pesisir lalu sida enda kiruh begigaka kereja ngagai menua luar laban sida ulih kereja enda jauh ari menua lalu ulih nikika tikas pengidup sida sebaka enggau orang ti bukai.       

Jalai alun ti ngaulka menua pesisir enggau nengeri ulih mai pemansang gaya idup ngagai rayat menua pesisir. Kebuah pia, laban rayat menua pesisir ulih muka runding sida iya ngubah chara idup sida ngagai tikas ti tinggi agi nunda orang ba nengeri ari sukut pelajar enggau penatai pemisi sida. Ari nya sida ulih ngatur lalu merambu kediri empu ngangkatka tikas pengidup sida kelebih agi mayuh infrastruktur ti udah disediaka perintah laban deka ngubah tauka meri transformasyen ngagai pengidup rayat menua pesisir ngambika pengidup sida nadai jauh bida enggau orang ti diau ba nengeri.

Pengelandik

            Dalam nyediaka peluang bekereja ngagai rayat menua pesisir, dia Menteri Pemansang Menua Pesisir bisi mantu rayat menua pesisir enggau nyediaka peluang ngelatih diri bekereja ba Palan Transformasyen Menua Pesisir (RTC) kena nambahka penemu, pengelandik enggau pengulih diri ngambika ulih nambahka penatai pemisi, peluang bekereja enggau tikas pengidup rayat ba menua pesisir. Ba palan tu, pengelandik dagang dikemeratka agi laban rayat menua pesisir ngembuan mayuh asil ari tanah sida baka buah, sayur enggau ti bukai lalu sida belajarka chara nyual pemakai nya ngambika ulih dikomersial ba endur ti bukai. Ari nya sida ulih nambahka agi penatai pemisi sida empu nengah dagang ti dipejalaika sida kelebih agi dalam industri pugu betanam. Dalam latih nya mega, sida bisi diberi latih chara mungkus enggau meri nama, presentasyen produk, ngatur pemakai utai tupi  enggau pengelandik ti bukai ke ulih dikereja rayat menua pesisir. Ari latih tu, sida ulih nemu mayuh macham chara sida ngatur ekonomi diri empu dalam bejalaika pengawa betanam betupi awakka duit ti dikena sida ngatur belanja bejalaika pengawa betanam betupi enda tebasau pia aja.         

                                                         

Kelimpah ari nya, pengelandik abi jari (kraf tangan) mega siti ari pengelandik ti ulih nambahka penatai pemisi rayat menua pesisir. Mayuh perengka abi jari ke ulih narit ati orang menua luar meli baka ngaga bakul ari rutan, tangui, baju burung, pua kumbu, ketapu enggau mayuh agi rengka abi jari ti bukai. Enggau nya, dia Palan Abi Jari (Pusat Kraftangan Desa ) ditumbuhka ba endur menua pesisir ke landik ngasilka perengka tu. Nengah palan tu, dia rayat menua pesisir ulih ngasilka mayuh macham rengka abi jari lalu sida ulih ngelakuka barang ti digaga sida nengah dagang komersial ngagai menua nengeri. Berindik ari nya, sida ulih ngasilka siti penatai pemisi ke ulih nambahka penatai ti bukai kelimpah sida ngereja pengawa betanam betupi. Tu siti ari transformasyen ke udah digaga perintah nengan Menteri Pemansang Menua Pesisir kena ngangkatka tikas pengidup rayat menua pesisir ti agi mengkang ngereja pengawa betanam betupi sida.

Komunikasyen

            Dalam pemansang globalisasyen tu, teknologi pemadah enggau komunikasyen amat beguna ngagai siku-siku kitai. Komunikasyen amat beguna ngagai rayat kemaya hari tu kena begigaka lalu ulih bekaul enggau panga diri. Ari nya, dia perintah udah ngaga mayuh endur ba menua pesisir diatu udah bisi arus telefon dikena sida berkomunikasyen enggau pangan diri. Arus telefon tu amat beguna kemaya hari tu laban ulih mantu kelebih agi lebuh maya bisi penusah. Ambika chunto, baka penusah angus ti suah nuntung rayat rumah panjai sida ulih telefon ngagai bala Bomba enggau lengkas ngena telefon tekala nya. Nambahka nya mega, dunya nadai sekat (dunia tanpa sempadan) kemaya hari diatu nyau makin dikena bala nembiak redak baka Facebook, Whatsapp, Intagram, Wechat enggau mayuh agi macham aplikasyen ke dikena ngaul pangan diri kemaya hari tu. Nengah aplikasyen tu, dia rayat menua pesisir enda tinggal ari kena pemansang teknologi pemadah enggau komunikasyen ti sebaka enggau orang ba nengeri. Rayat menua pesisir mega ulih nemu mayuh macham informasyen enggau berita kemaya hari tu nengah telefon sida aja baka ke disema dunya ujung jari aja.

            Seninjik enggau nya, dalam ngasaika pemansang teknologi pemadah enggau komunikasyen tu, dia perintah mega bisi nyendiaka Kampung Tanpa Wayar (KTW) ngagai menua pesisir kelebih agi rumah panjai udah bisi ngembuan pemansang ti baka tu. WiFi ti disediaka perintah tu ulih mantu peranak rumah panjai ngasaika pemansang teknologi komunikasyen ngambika sida ulih bekaul enggau dunya luar nengah WiFi tu. Ukai nya aja, peranak menua pesisir mega ulih ngisi pom kereja nengah WiFi ti disediaka ba rumah panjai tauka genturung sida diau laban diatu ngisi pom minta pengawa perintah mayuh begunaka sistem online kena minta kereja ba siti-siti endur kereja perintah kelebih agi nengah Suruhanjaya Perkhidmatan Awam (SPA) enggau minta masuk Institut Pelajar Tinggi baka Institut Pematih Pengajar (IPG) enggau universiti ti bukai. Ari pemansang tu, dia bala nembiak ba menua pesisir enda kiruh ke nengeri ngiga endur ke bisi WiFi  tauka internet ngisi pom minta pengawa tauka ka minta nyambung belajar baru. Pemansang ti diasaika tu mih ke ulih ngangkatka tikas pengidup rayat menua pesisir ngambika ulih muka runding sida ngubah gaya pengidup sida  ti agi tinggal ari orang ke diau ba nengeri kelebih agi ari sukut pelajar sida ulih nyulut agi ari ke udah. Ari nya, dia kitai ulih meda baka ni rayat menua pesisir ulih nerima transformasyen ti diberi perintah ngagai sida ngambika sida ulih meransang diri empu enggau ruang bilik sida maju sereta lantang dalam pengidup sida besehari-hari.                                       

                                                   

Nyadika simpul, transformasyen menua pesisir ulih ngangkatka tikas pengidup rayat ba menua Sarawak kelebih agi rayat ba rumah panjai ti agi mengkang enggau daya idup sida iya empu. Kena nyukung transformasyen ti udah diberi perintah nengah mayuh macham bantu, dia rayat menua pesisir patut muka runding sida sereta ngembuan juluk ati ngembuan pengawa ke tetap baka gawa perintah ngambika sida ulih sebaka takat enggau orang ke diau di nengeri ti udah mayuh bulih pengawa ti menyana enggau meruan baka doktor, injinir, pengajar, pulis, arkitek enggau ti bukai. Transformasyen menua pesisir dikarap ulih ngubah tikas pengidup rayat menua pesisir ngambika sida ulih napi chabar ti deka datai lalu ulih nyapai juluk menua maju maya taun 2020 dalam kandang 4 taun agi. Kena napi juluk ati tu, dia rayat menua pesisir patut berubah ulah ari gaya runding ti deka bepekit enggau orang ukai nganti bantu ari perintah aja kena ngemansang diri awakka sida ulih nitih gaya pendiau pengidup orang ke udah nyulut baka sida iya.          

                          

Enggau selampur, perintah patut ngemeratka pemansang menua pesisir laban transformasyen nya beguna kena rayat menua pesisir enda tinggal ari bulih singkang pemansang baka ba nengeri. Kebuah pia laban kena neguhka agi gaya pendiau pengidup rayat menua pesisir ke dudi hari ila. Nya mih dia semua orang sekalika perintah tauka rayat nya empu patut semampai ngaga pengubah ke manah ngambika sida enda dikumbai raban bansa ke tinggal ari singkang pemansang dunya moden kemaya hari tu lalu patut nyeliah pemereti politik siku-siku. Nambahka nya, nembiak ke rebak baru tu patut ngembuan pikir ti deka ngemansangka diri lalu deka nyulut ari orang bukai sebela enggau orang ke diau di nengeri. Kena ngujung ke iya, dia saup ari semua orang beguna ngambika pemansang ulih dipejalaika nadai sebarang penanggul ti datai nuntung awakka ulih mai pengelantang ngagai rayat dataika dudi hari ila nyentukka telesak ti deka datai. Sarawak maju dalam Malaysia!  (309 leka jaku)

                                                           

Kereban Sanding

Kementerian Kemajuan Luar Bandar dan Wilayah. (2010). Pelan Induk Pembangunan Luar Bandar. Kuala Lumpur : Kementerian Kemajuan Luar Bandar dan Wilayah

RTC Betong beri manfaat kepada penduduk luar bandar.    http://www.theborneopost.com/2016/04/07/rtc-betong-beri-manfaat-kepada penduduk-luar-bandar/  Diseleti maya 27 Julai 2016

Pembinaan di bawah program Pusat Transformasi Luar Bandar dijangka bermula hujung bulan ini. Objektif Pembangunan Luar Bandar. http://www.rurallink.gov.my/objektif  Diseleti maya 8  Ogos 2016

Pusat Transformasi Luar Bandar. http://www.rurallink.gov.my/usahawan/pusat-transformasi-luar-bandar-rtc/  Diseleti maya 10 Ogos 2016

Kerajaan Pusat Akan Bantu Rancakkan Pembangunan Luar Bandar di Sarawak. http://www.theborneopost.com/2015/03/24/kerajaan-pusat-akan-bantu-rancakkan-pembangunan-luar-bandar-di-sarawak/#ixzz3hC4RY4sp Diseleti maya 8 Ogos 2015

Fonetik Enggau Fonologi Jaku Iban

Ngasilka munyi bepelasarka 3 pekara iya nya :

-          Organ artikulasyen

-          Palan artikulasyen

-          Organ dalam tubuh

Mulut atas Mulut baruh Ngeli atas Ngeli baruh Gusi Kelekanit kering Kelekanit lemi Unga Ujung dilah Mua dilah Tengah dilah Belakang dilah Akar dilah Epiglottis Peti sura nyawa Rumbang rekung Rumbang idung Rumbang nyawa Rang Batang rekung

Palan artikulasyen

-          Endur ti betegu enggau organ artikulasyen lalu ngasilka munyi

-          Ngeli, gusi, kelekanit

Organ dalam tubuh

-          Lempuang, batang rekung, peti sura nyawa enggau epiglottis

Artikulasyen Vokal

Munyi vokal

Iya nya munyi jaku ti bisi didinga lalu lebuh ngasilka iya, peti sura nyawa begetar, lalu angin ti dikesuh ari lempuang pansut nengah rumbang rekung enggau rumbang nyawa

Munyi ti diasilka enggau nadai sebarang utang ngempang pejalai angin ari lempuang

Jaku iban bisi enam iti vokal iya nya ;

1.       Tiga vokal mua

2.       Siti vokal tengah

3.       Dua vokal belakang

Vokal

Vokal belakang [u]

1.       Tukuh mulut setengah muncung.

2.       Belakang dilah diangkat ngagai endur pemadu tinggi ba kelekanit lemi.

3.       Kelekanit lemi enggau akar dilah diangkat ke belakang unga lalu nutup rumbang idung.

4.       Angin ari lempuang pansut nengah rumbang nyawa. 

5.       Peti sura nyawa dirapitka awakka angin pansut tau ngetarka peti sura nyawa.

Chunto munyi [u]:

Pun : uji, upah

Tengah : buka, bubur, gandum

Ujung : baju, lampu, sulu

Vokal belakang setengah tinggi [o]

1.       Tukuh mulut segala.

2.       Belakang dilah diangkat ngagai endur pemadu tinggi ba kelekanit lemi tang baruh agi ari munyi vokal [u]

3.       Kelekanit lemi enggau akar dilah

4.       Angin ari lempuang pansut nengah rumbang nyawa. 

5.       Peti sura nyawa dirapitka awakka angin pansut tau ngetarka peti sura nyawa.

Chonto munyi [o]

Pun : optik

Tengah : topik

Ujung : koko

Vokal belakang setengah baruh [ᴐ]

1.       Tukuh mulut segala.

2.       Belakang dilah diangkat tang apin negu kelekanit kering lalu baruh agi ari munyi vokal [o].

3.       Kelekanit lemi enggau belakang

4.       Angin ari lempuang pansut nengah rumbang nyawa. 

5.       Peti sura nyawa dirapitka awakka angin pansut tau ngetarka peti sura nyawa.

Chunto

Pun : ᴐrang

Vokal belakang baruh [α]

1.       Tukuh mulut segala.

2.       Belakang dilah diangkat ngagai endur pemadu baruh. 

3.       Kelekanit lemi enggau belakang

4.       Angin ari lempuang pansut nengah rumbang nyawa. 

5.       Peti sura nyawa dirapitka awakka angin pansut tau ngetarka peti sura nyawa.

chunto

gula, baja, guna

Konsonan

v  Munyi ti diasilka lebuh pejalai angin tesekat, betelisih, bekindas tauka diempang organ artikulasyen

v  Munyi konsonan dibida nengah 4 chara ;

i.                     munyi begetar tauka enda

ii.                   palan ti ngasilka munyi

iii.                  chara sebeut/ bansa sekat

iv.                 mekanisme/ pejalai arus angin

Konsonan tulin jaku Iban

[p] – letup dua mulut enda bemunyi

[b] – letup dua mulut bemunyi

[t] – letup gusi enda bemunyi

[d] – letup gusi bemunyi

[k] – letup kelekanit lemi enda bemunyi

[g] – letup kelekanit lemi bemunyi

[?] – glottis

[] – letup kelekanit kering enda bemunyi 

[h] – meresu glots bemunyi

[l] – nasal gusi bemunyi

[n] – nasal gusi bemunyi

[]Ng – nasal kelekanit lemi bemunyi

Ny – nasal gusi-kelekanit kering bemunyi

[w] – semi vokal dua mulut bemunyi

[y] – semi vokal kelekanit kering bemunyi

Konsonan injau jaku Iban

[f] – kindas mulut ngeli enda bemunyi

[v] – kindas mulut ngeli bemunyi

[o] – kindas ngeli enda bemunyi

[o] – kindas ngeli bemunyi

[z] – kindas gusi bemunyi

[s] – kindas gusi-kelekanit kering enda bemunyi

[x] – kindas kelekanit lemi enda bemunyi

[Y] – kindas kelekanit lemi bemunyi 

Chara ngasilka munyi konsonan

Letup dua mulut enda bemunyi [p]

1.       Dua mulut dirapitka – nyekat angin ari lempuang pansut

2.       Kelekanit lemi enggau unga diangkatka nagilitka alur angin ngagai rumbang idung

3.       Peti sura nyawa dibuka

4.       Angin pansut lalu tesekat ba mulut. Angin ti tesekat tu dilepaska tekalanya.

*peti sura nyawa begetar

Cto :

Pun : papan, pasu, paku

Tengah : lepas, sipak, dapur

Ujung : sikap, atap

Letup dua mulut bemunyi [b]

1.       Dua mulut dirapitka – nyekat angin ari lempuang pansut

2.       Kelekanit lemi enggau unga diangkatka nagilitka alur angin ngagai rumbang idung

3.       Peti sura nyawa dibuka

4.       Angin pansut lalu tesekat ba mulut. Angin ti tesekat tu dilepaska tekalanya.

*peti sura nyawa begetar

Cto :

Pun : burung, buku, batu

Tengah : tubuh, bubuh, tabur, timba

Ujung : tambab. Kebab

Letup gusi enda bemunyi [t]

1.       Ujung dilah negu gusi atas

2.       Kelekanit lemi enggau unga diangkatka nagilitka alur angin ngagai rumbang idung

3.       Peti sura nyawa dibuka

4.       Angin pansut lalu tesekat ba dilah enggau gusi. Angin ti tesekat tu dilepaska tekalanya.

*peti sura nyawa enda begetar  

Cto :

Pun : tabin, tabu, tulung

Tengah : petang , putus, satu, bantu

Ujung : patut, sebut, lembut

Letup gusi bemunyi [d]

1.       Ujung dilah negu gusi atas

2.       Kelekanit lemi enggau unga diangkatka nagilitka alur angin ngagai rumbang idung

3.       Peti sura nyawa dibuka

4.       Angin pansut lalu tesekat ba dilah enggau gusi. Angin ti tesekat tu dilepaska tekalanya.

*peti sura nyawa begetar 

Cto :

Pun : dalam, daun, dapur

Tengah : pedang, padang, padah

Ujung : abad, rikod

Letup kelekanit enda bemunyi [k]

1.       Belakang dilahh diangkatka lalu negu kelekanit lemi

2.       Kelekanit lemi enggau unga diangkatka nagilitka alur angin ngagai rumbang idung

3.       Peti sura nyawa dibuka

4.       Angin pansut lalu tesekat ba kelekanit lemi. Angin ti tesekat tu dilepaska tekalanya.

*peti sura nyawa enda begetar 

Cto :

Pun : kaban, kuda, kayau, kita

Tengah : sukat, jukat, pukat

Ujung :burak, jegak

Letup kelekanit bemunyi [g]

1.       Belakang dilahh diangkatka lalu negu kelekanit lemi

2.       Kelekanit lemi enggau unga diangkatka nagilitka alur angin ngagai rumbang idung

3.       Peti sura nyawa dibuka

4.       Angin pansut lalu tesekat ba kelekanit lemi. Angin ti tesekat tu dilepaska tekalanya.

*peti sura nyawa begetar 

Cto :

Pun : garu, ganti, gantung, gambar

Tengah : baga, pagar, ragum

Ujung : dialog

Glottis [?]

1.       Peti sura nyawa dirapitka amat-amat.

2.       Kelekanit lemi enggau unga diangkatka ngambi ngalitka alur angin ngagai rumbang idung

3.       Angin tesekat ba pelilih peti sura nyaw tang enda ngasuh iya begetar.

*peti sura nyawa enda begetar

Cto :

Ujung : raga, baka, tangga, repa

Semi vokal dua mulut bemunyi [w]

1.       Mulut dimunchungka.

2.       Belakang dilah diangkatka ngagai kelekanit lemi tang enda negu kelekanit lemi. (baka chara ngemunyika vokal [u])

3.       Peti sura nyawa dirapitka

4.       Angin pansut. Lebuh ngasilka vikal [u], dilah enggau jampat berubah ngagai penuduk dikena ngasilka vokal tengah [ǝ]

*peti sura nyawa begetar

cto :

pun – wai, wang

tengah – lawing

Semi vokal kelekanit kering bemunyi [j]

1.       Mua dilah diangkatka ngagai gusi, baka maya ngasilka munyi vokal [i]. unga diempitka ngagai dinding rekung ngambi angin enda pansut nengah idung.

2.       Peti sura nyawa dirapitka.

3.       Angin pansut. Dilah berubah endur enggau jampat ngagai endur ngasilka vokal tengah [ǝ]

*peti sura nyawa begetar

Cto :

Pun – ju’

Tengah – sajau, pajung, gajung

Chara ngasilka munyi Konsonan Injau

Kindas mulut ngeli enda bemunyi [f]

1.       Mulut baruh diangkat negu ngeli mua atas.

2.       Kelekanit lemi enggau unga diangkatka ngambi ngalitka alur angin ngagai rumbang idung.

3.       Peti sura nyawa dibuka.

4.       Angin pansut ngindas nengah urung mulut-ngeli.
*peti sura nyawa enda begetar

Cto :

Pun – fail, forum

Kindas mulut ngeli bemunyi [v]

1.       Mulut baruh diangkat negu ngeli mua atas.

2.       Kelekanit lemi enggau unga diangkatka ngambi ngalitka alur angin ngagai rumbang idung.

3.       Peti sura nyawa dirapitka.

4.       Angin pansut ngindas nengah urung mulut-ngeli.

*peti sura nyawa begetar

Cto :

Pun – vokal

Tengah – university, novel

Kindas ngeli enda bemunyi [θ][th]

1.       Ujung dilah negu urung entara ngeli atas enggau ngeli baruh.

2.       Kelekanit lemi enggau unga diangkatka ngambi ngalitka alur angin ngagai rumbang idung.

3.       Peti sura nyawa dibuka

4.       Angin pansut ngindas nengah entara ngeli atas enggau ngeli baruh.

*peti sura nyawa enda begetar

Kindas gusi bemunyi [z]

1.       Ujung dilah diangkatka lalu negu mimit urung gusi.

2.       Kelekanit lemi enggau unga diangkatka ngagai rumbang idung.

3.       Peti sura nyawa dirapitka.

4.       Angin pansut ngindas nengah entara daun dilah enggau gusi.

*peti sura nyawa begetar.

Cto –zon, plaza, kuiz

Kindas gusi-kelekanit kering enda bemunyi [sy]/ [š]

1.       Mua dilah diangkat ngagai urung entara gusi enggau kelekanit kering.

2.       Kelekanit lemi enggau unga diangkatka ngambi ngalitka alur angin ngagai rumbang idung.

3.       Peti sura nyawa dibuka.

4.       Angin pansut ngindas nengah entara dilah enggau gusi kelekanit kering

*peti sura nyawa enda begetar

Cto : syarikat, syarah

Kindas kelekanit lemi enda bemunyi [x]

1.       Belakang dilah diangkatka lalu diempitka ngagai rumbang rekung.

2.       Kelekanit lemi enggau unga diangkatka ngambi ngalitka alur angin ngagai rumbang idung.

3.       Peti sura nyawa dibuka.

4.       Angin pansut ngindas nengah belakang dilah enggau kelekanit lemi.

*peti sura nyawa enda begetar

Cto : x-ray,

Kindas kelekanit lemi bemunyi [gh] [ɣ]

1.       Belakang dilah diangkatka lalu diempitka ngagai rumbang rekung.

2.       Kelekanit lemi enggau unga diangkatka ngambi ngalitka alur angin ngagai rumbang idung.

3.       Peti sura nyawa dibuka.

4.       Angin pansut ngindas nengah belakang dilah enggau kelekanit lemi.

*peti sura nyawa begetar

Munyi Diftong

·         Urup vokal ti berimbai dua ti disebut nyadi siti munyi.

·         Jaku Iban semina bisi ngembuan tiga leka diftong iya nya ai, au enggau ui ti diengkah ba uung leka jaku.

·         Taja pia, dalam jaku injau sekeda diftong tu bisi ditemu ba pun tauka tengah leka jaku.

Urup	Di belakang
Ai	Tubai, makai, pulai, salai
Au	Pulau, salau,
Ui	Ukui, malui, sungkui

Transkripsyen

Transkripsyen fonetik (transkripsyen sempit) – begunaka simbol ti silik agi kena nerangka ayat.

Transkripseyen fonemik (transkripsyen luas) – simbol ti dikena semina ke rama aja kena neranga ayat.

Simbol transkripsyen fonetik/ fonemik

1.       / - tanda koma ( , )

2.       // - tanda noktah ( . )

3.       Tiada huruf besar walaupun kata nama khas.

4.       Nadai akronim. Cto : RTM (ar.ti.em)

5.       Nadai numur. Di sepil nitihka sebut. Cto : 50 –[li.ma.pu.luh.]

6.       [  ] – kena siti leka jakau tauka ayat

7.       # - tanda kesenyapan untuk memulakan ayat dan mengakhiri ayat.    

Suprasegmental

Fonem suprasegemental

-          Reti prosodi

-          Munyi inggar [kelantangan]

-          Reti empas jaku [makna tekanan]

-          Nada

-          Senai [jeda]

-          Munyi panjai pandak