Animasyen

Kereban Bantu Belajar - Nyepil Leka Jaku from MelvinnyMackenzy

Kereban Audio-visual Jaku Iban

Kereban Audio-visual Dunya Ensera Enggau Cherita 

Bup Teks Jaku Iban Taun 4

Unit 6 : Bujang Berani 

Sintaksis Jaku Iban

sintaksis

Bidang ti mansik ayat enggau mansik baka ni leka jaku dipejantilka dikena nempa ayat.

Penemu ti betungkapka tukuh, struktur enggau konstruk ayat. Iya mega nentuka atur tauka ukum jalai jaku ti bepelasarka ripih bejantilka leka jaku, nusun leka jaku enggau raban dikena nempa ayat.

ayat

Ayat nyadi ari leka jaku ti ditusun nithka ripih enggau raban kediri empu.

Ripih leka jaku ti nemban ngembuan reti ti menyana.

Chunto:

i.                      indu dara mata engkudu

Ayat ngembuan dua bagi:

Keterubah, indu dara nya siti pekara tauka subjek ayat nya.

Kedua, mata engkudu nya nerangka subjek tadi lalu tau ​​mega dikumbai predikat.  

Elemen dalam ayat

Ayat ngembuan empat elemen iya nya ayat , klausa , frasa enggau leka jaku .

Ayat ngembuan subjek enggau predikat.

Chunto:

Pisu nya dipegai iya lalu kek nya disirap iya.

Klausa nya ayat dalam ayat.

Chunto:

i.                      pisu nya dipegai iya

ii.                    kek nya disirap iya

Frasa nya konstituen ti bisi dalam klausa.

Chunto:

i.                      pisu nya

ii.                    dipegai iya

iii.                   kek nya

iv.                  disirap iya

Leka jaku nya konstituen dalam frasa.

Chunto: pisu, nya, dipegai, kek, disirap, iya, lalu, nya

klausa

Ayat ti ngembuan lebih ari dua klausa dikumbai ayat turu. Klausa nya ayat dalam ayat.

Chunto:

Televisyen ukai semina ngenataika berita tang mega nyadi kereban dikena beperindang.

klausa 1

Televisyen ukai semina ngenataika berita.

klausa 2

Tang mega nyadi kereban dikena beperindang.

Bisi dua bansa klausa iya nya klausa meras enggau klausa enda meras. Klausa meras nya klausa ti ulih bediri kediri lalu klausa enda meras enda ulih bediri kediri.

frasa

Frasa nya unit ti betukuh ari abis nadai seleka jaku lalu ulih dikerembaika nyadi dua leka jaku.

Chunto:

Adi aku bagas gawa.

Frasa nama: Adi aku

Frasa Adjektif: bagas gawa

leka jaku

Leka jaku nya unsur dalam ayat. Iya ngembuan reti tauka fungsyen.

Rumah, kerita, baju - ngembuan reti

Ke, di, enggau - ngembuan fungsyen

Leka jaku ulih dibagi ngagai bengkah raban

Jaku nama, jaku pengawa, jaku adjektif enggau jaku tugas.  

Siti chara dikena mansik sintaksis iya nya beratika struktur ayat ti ditagaka nemban dalam sesebengkah jaku.

Reti nya ayat palsu nitihka atur betul.

Chunto:

i.                      Nembiak nya nginti ikan.

Ayat pelasar enggau ayat tumbuh  

·         Tukuh ayat ti dikena bepanggai enggau penyampau klausa ti nempa iya

·         Enti sesebengkah ayat nya ngembuan siti klausa iya ulih nyadi ayat pelasar tauka ayat tunggal

·         Ayat ti ngembuan lebih ari siti klausa nya ayat turu.

Konsep ayat pelasar

Ayat ti ditempa ari leman-leman ti beguna iya nya ke nadai ngembuan sebarang penerang bukai dalam nya. - Arbak Othman

Ayat ti nyadi pelasar ke nempa ayat-ayat ti bukai lalu penempa ayat pelasar ti bekedut. - Awang Sariyan

cto:

i.                      Jamal bediri.

ii.                    Jamal bediri ba mua pintu.

Ayat (i) lebih pelasar agi ari ayat (ii) laban ayat (i) nadai penambah ba frasa subjek tauka predikat.

iii.                   Munau pandai.

iv.                  Munau enda pandai. 

Ba ayat (iii) nya ayat pelasar, ayat (iv) ayat tunggal.

Ayat (ii) Munau pandai nyadi pelasar numbuhka ayat (iv) Munau enda pandai

Tukuh ayat (iii) ayan dulu, udahnya numbuhka ayat (iv).

Genap ayat sekalika panjai tauka pandak ulih dikelala tempa pelasar iya.

cto:

v.                    Abun ke pasar lalu nyual sayur.

Ayat (v) ngembuan dua klausa, iya nya:

a.        Abun ke pasaran

b.       lalu nyual sayur.

Klausa (a) pelasar agi agi klausa (b) laban ulih nyadi ayat ti menyana.

Klausa (b) bepanggai ba klausa (a).

Ba pekara tu, klausa (a) nya pelasar lalu nyadi paying ayat.    

Pola Ayat pelasar Jaku Iban

Ngembuan 4 pola:

Pola 1, pola 2, pola 3 & pola 4.

Subjek semua pola tu datai ari rambai jaku nama dan predikat iya ulih rambai jaku nama, rambai jaku pengawa, rambai jaku adjektif enggau rambai jaku penempat.

Empat pola ayat pelasar jaku Iban iya nya:

i.                      FN + FN

ii.                    FN + FP

iii.                   FN + FA

iv.                  FN + FJP

Ayat pelasar berengkah enggau siti frasa nama (FN) ti nyadi subjek enggu siti agi frasa ti nyadi predikat.

Penteba Ayat pelasar

Ayat pelasar ngembuan penteba baka di baruh tu;

-           Ngembuan siti frasa

-           Corak subjek-predikat

-           Ayat penerang

-           Aktif

-           Ulih dikerembaika

-           Nadai jaku penyambung

Tusun dalam ayat  

Ayat pelasar ngembuan siti subjek enggau siti predikat.

Dua iti tusun ayat pelasar iya nya:

i.                      Tusun selama

ii.                    Tusun tunsang

tusun Selama

Subjek terenah ba mua ayat lalu ditangkanka predikat baka chunto di baruh tu:

Sida iya nemu macha magang .

Subjek: sida iya

Predikat: udah nemu macha magang.

tusun tunsang

Ngenuluka predikat.

Proses mindahka predikat ngagai pun ayat dikumbai ngenuluka predikat.

Dua bansa ngenuluka predikat:

i.                      Ngenuluka sekayu predikat - Ayat selama ngagai ayat tunsang (nadai jaku diubah)

ii.                    Ngenuluka sebagi ari predikat   

Ngenuluka sebagi ari predikat

Sebagi aja ari konstituen diengkah ari mua subjek. Bagi rambai jaku ti patut diengkah ba mua subjek nya bisi tiga bengkah iya nya:

(a)     Ngenuluka rambai jaku pengawa

(b)    Ngenuluka rambai jaku adjektif

(c)     Ngenuluka rambai jaku penempat

Ngenuluka rambai jaku adjektif

Atur ngenuluka predikat rambai jaku adjektif nyau deka sebaka enggau atur ngenuluka

predikat rambai jaku pengawa.

Dua atur ngenuluka rambai jaku adjektif:

i.                      Ngenuluka leka jaku adjektif

ii.                    Ngenuluka jaku bantu enggau jaku adjektif 

Ngenuluka rambai jaku penempat

Dalam ayat semasa, predikat rambai jaku penempat diengkah entudika subjek. Dalam ayat tunsang, rambai jaku penempat diengkah ari mua subjek.

Dalam proses ngenuluka rambai jaku penempat, bisi dua pekara tau nyadi, iya nya:

(I) Rambai jaku penempat nyadi predikat

(II) Rambai jaku penempat nyadi penerang dalam predikat

Atur DN / diterang-Nerang

      DN reti nya diterangka (D) lalu nerangka (N).

      Dalam atur tu leman ti diterangka nya leman teres lalu iya dipeda dulu ari leman penerang ti datai nangkan iyan.

frasa Nama
Diterangka (teras)	Nerangka (penerang)
orang	indu
injin	padi

      Dalam jaku Iban atur DN mesti dikena lebuh ngaduka tusun leman frasa nama.

      Atur nusun leman frasa nma ti enda nitihka tempa DN ditagaka salah.

o   Jugat Restoran

o   Anak Mit Klinik

Enda disengkaum atur DN

      Ba sekeda jail nusun leman frasa nama penerang tau dipeda dulu agi ari leman ti diterangka.

      Lebas tu dikena lebuh nusun nama pangkat.

frasa Nama
penerang	Pekara (pangkat) ti diterangka
kepala	pengajar
tuai	rumah
indu	opis

Tesa enggau penyampau

      Sebengkah agi selepak ti ngayanka penerang dulu ari teras tauka frasa nama iya nya lebuh leman penerang ti dikena nya nunjukka penyampau tauka nama kangau tauka gelaran.

frasa Nama
Penyampau	pengenap tesa	teres
dua	iku	burung
Sepuluh	buah	rumah
semua	-	temuai

Nama kangau

frasa Nama
kangau	teres
aki	liman
aya	Jampong
Endu	Sudan Berinjan Bungkung
Pengulu	langi
Rajah	Brooke

Penerang dalam Frasa Nama

      Dalam tempa frasa nama (FN), teres ulih nerima penerang lebih ari siti.

Siku nembiak urung umur lapan taun, beseluar pandak biru enggau bebaju sampang putih tebal belubang-lubang pansut ari rumah nya.

frasa Nama
teres	penerang Adjektif	Penerang (Frasa)
		teres	penerang
beseluar	pandak biru
bebaju sampang	putih tebal belubang-lubang

frasa pengawa

      Frasa pengawa (FP) ulih nukuh ari siti tauka dua tiga leka jaku pengawa ti nyadi teres frasa.

      Jaku pengawa ulih dibagi ngagai 2:

o   Jaku pengawa transitif

o   Jaku pengawa enda transitif

      Ba ayat FP ayan ba konstituen predikat.

subjek	Frasa Pengawa (FP)
1.        Limbab	menang.
2.        Sida	benung tinduk.
3.        Ribut	bepuput enggau balat.
4.        Kami	makai lauk tunu.

Tempat Frasa Pengawa

      Tempat frasa pengawa ulih dibagi dua:

i.                      Frasa pengawa ti nadai ngembuan objek, jaku pengawa iya enda disambut frasa nama nyadika objek dikena nembuka ayat.

a.        Frasa pengawa baka tu ngembuan leka jaku pengawa enda transitif. 

cto:

1.        Limbab menang.

2.        Sida benung tinduk.

3.        Rebut bepuput balat.

      Ba chunto di atas, taja pan frasa pengawa nadai ngembuan frasa nama nyadika objek tang leman jaku bantu enggau leman penerang ulih nyerumba iya.

ii.                    Frasa pengawa ti ngembuan objek

a.        Jaku pengawa iya mesti disambut frasa nama ti nyadi objek dikena nembuka jaku pengawa nya.

b.       Frasa pengawa ngembuan jaku pengawa transitif.

c.        Objek ulih ditampung penerang.

subjek	frasa pengawa
	jaku pengawa	objek	penerang
Engkabi	tinduk
apai	nginti	ikan
Indai	manduk	lauk	ba dapur
Jampung	main	bol	ba tengah laman
ujan	labuh		mesi-mesi

      Jaku pengawa ditangkanka frasa nama ti nyadi penyambut jaku pengawa sebedau nya.

Tempa frasa penagwa ti nadai objek

      Frasa pengawa ti nadai ngembuan frasa nama nyadika objek betukuh ari siti bansa jaku pengawa ti nyadi teres iya ke disebut jaku pengawa enda transitif.

      Jaku pengawa enda transitif enda begunaka penyambut frasa nama nyadika objek dikena nembuka iya.

      Frasa nama nyadika objek tau diterangka nyadi leman ti entudika jaku pengawa transitif dalam ayat aktif lalu ulih dipasifka.

      Enti ayat aktif nya enda ulih dipasifka, jaku pengawa dalam ayat nya ukai jaku pengawa transitif lalu enda ngembuan objek.

      Tiga bengkah jaku pengawa enda transitif:

i.                      Jaku pengawa enda transitif ti nadai bepenembu.

ii.                    Jaku pengawa enda transitif ti ulih nerima penembu nangkanka iya.

iii.                   Jaku pengawa enda transitif ti ulih ditangkan jaku nama nyadika penerang.

Jaku pengawa enda transitif enda bepenembu

cto:

1.        Kayu nya tumbang.

2.        Anak mit nya nyabak.

3.        Sida sampal pulai.

4.        Sibau ngelilin.

5.        Kami tebelenga.

      Jaku pengawa ti enda transitif enda begunaka penembu nya jaku pengawa ti ngembuan reti ti nandan.

Jaku pengawa enda transitif enggau penembu

      Jaku pengawa enda transitif enggau penembu enda ngembuan reti ti nandan enti enda ditangkan penembu.

      Penembu nya ukai objek laban ayat nya enda ulih dipasifka.

Penembu ke jaku pengawa enda transitif ulih dibagi ngagai tiga:

1.        Jaku adjektif nyadika penembu

2.        Frasa jaku penempat nyadika penembu

3.        Jaku nama nyadika penembu.

Jaku adjektif nyadika penembu

-           Iya bebali nyadi manah.

-           Semakin hari kitai semakin tuai.

-           Fasha Sandha nyau kurus.

Frasa jaku penempat nyadika penembu

-           Sida diau di Bintangor.

-           Kerita nya nguing ke kiba.

-           Maya pulai ari Kuching ke Sarikei, kami ngetu ba Sri Aman.

Jaku nama nyadika penembu

-           Langkau kami beatapka daun mulung.

-           Iya tinduk betilamka demam / resam.

-           Clemence Joy nyadi penanyi.

-           Orang nya bisi reta. 

Jaku pengawa enda transitif enggau jaku nama nyadika penerang

      Jaku nama ke nyadi penerang ti entudi jaku pengawa enda transitif ukai objek laban ayat iya enda ulih dipasifka.

subjek	jaku pengawa	penerang
nembiak nya	bebaju	sampang.
apai iya	bejual	apam.
sida	belajarka	Jaku Jipun.

Frasa Pengawa enggau Jaku Bantu

      Jaku bantu nerangka jaku pengawa ari dua sukut reti nitihka reti ti dipangku dua iti jaku bantu iya nya;

o   Jaku bantu aspek - nerangka maya

o   Jaku bantu gaya - nerangka ragam (ulah)

Jaku Bantu Aspek

Jaku Bantu Aspek
udah dikereja	tengah dikereja	bedau dikereja
udah	benung	bedau
kala	tengan	empai
	agi	Apin

Jaku bantu aspek nerangka maya pengawa nya dikereja.

Cto ayat:

o   Kami udah meda cherita nya.

o   Sida kala nemuai kitu.

o   Iya tengan makai lebuh sida datai.

o   Aku deka bejual suntung tasak maya rami sekula.  

      Dalam jaku Iban, sekeda jaku bantu aspek tu ulih ayan berentayan.

o   Apin + kala

o   Agi + benung

o   Agi + bedau

o   Kala + udah 

      Taja pia, enda semua jaku bantu aspek ulih direntayanka.

o   Deka + bedau

o   Benung + udah

o   Kala + agi

o   Udah + bedau 

Jaku Bantu Gaya

      Jaku bantu gaya ayan sebedau jaku pengawa

      Nerangka gaya (situasyen) pengawa ti digaga.

      cto:

o   Deka

o   Patut

o   Tau

o   Aruh

o   Ulih

o   Mesti

v  Apai Budin deka ngasu ke Bukit Kelingkang.

v  Dik patut nembuka pengawa nya.

v  Iya ulih nyelam lubuk nya.

v  Kami mesti mupuk diatu.

      Jaku bantu gaya ulih direntayanka

o   Patut + deka

o   Mesti + deka

o   Patut + ulih

o   Mesti + ulih

      Jaku bantu gaya ulih dikena berentayan enggau jaku bantu aspek .

o   ungan benung deka nurun kereja.

o   Anak mit nya bedau deka mandi.

o   Rimong kala ulih ngangkatka batu nya.

o   Iya deka ulih nyaut tanya nya.

o   Sida mesti deka datai baru.

o   Sima patut udah tinduk maya tu.

Frasa Pengawa enggau Ayat Komplemen

      Frasa pengawa transitif enggau ayat komplemen.

      cto:

o   Orang nya nyangkal pasal barang iya ti lenyau.

o   Berita nya madahka pasal semua penumpang ti selama / enda bebadi.   

Leman penerang dalam frasa Pengawa

      Leman penerang dalam frasa pengawa ngundan leman ke lebih silik agi nerangka jaku pengawa nya. Dalam ayat tusun selama, penerang bisi sepengudah jaku pengawa. Ba jaku pengaw transitif, leman penerang bisi sepengudah objek. Ari tukuh tempa iya, leman penerang ngundan frasa sendi nama, frasa adjektif, enggau frasa nama.

Penempa Frasa Adjektif

-           Ngembuan tukuh jaku ulah tauka adjektif dalam jaku iya.

-           Nyadi leman diterang, jaku adjektif ayan sepengudah jaku pengawa enggau nyadi leman penerang, jaku adjektif ayan sepengudah jaku nama.

Penguat ulih dibagi ngagai tiga bengkah iya nya;

1.        Penguat mua

2.        Penguat belakang

3.        Penguat bebas -

Jaku bantu dalam frasa adjektif

Frasa adjektif betukuh ari jaku adjektif ti disempulang jaku bantu baka udah, agi, kala, benung, bedau, deka, apin.

cto:

Senah udah besai.

Iya apin makai agi.

Jaku bantu mega ulih ayan enggau jaku penguat.

1.        Anak tuai iya udah kelalu besai.

2.        Kayu nya bedau Repuk bendar.

Tusun frasa adjektif dalam ayat

Frasa adjektif ayan dalam ayat tusun selama dalam tiga leman iya nya:

1.        Udah subjek ti nyadi predikat.

2.        Udah frasa pengawa ti nyadi penerang.

3.        Udah frasa nama ti diterangka.

Frasa adjektif nyadi predikat

Dalam tusun selama frasa adjektif ayan nyadi predikat ayat. Chunto:

subjek	predikat
Saloma	udah besai.
tubuh iya	lelak.
dagin nya	nyau but.
runding iya	tusut.

Tusun selama nya ulih ditunsangka iya nya frasa adjektif nyadi predikat dulu ari subjek. Chunto:

1.        Udah besai Saloma.

2.        Lelak tubuh iya.

3.        Nyau but dagin nya.

4.        Tusut runding iya.

Frasa adjektif nyadi penerang tauka Adverba

Frasa adjektif mega ulih ayan nangkan jaku pengawa. Frasa adjektif ti ayan nangkan jaku pengawa nyadi penerang tauka adverb.

Chunto:

subjek	predikat +	Penerang / adverb
Salina	nyambut +	Talipun enggau inggar
iya	bejalai	enggau laju.
pengajar	ngajar	enggau naka penyinu.

                                                                        

Frasa adjektif nyadi penerang jaku nama

Frasa adjektif mega ayan dalam frasa nama. Frasa adjektif nyadi penerangka jaku nama. Chunto:

jaku nama	penerang
langit	biru
rumah	papan
jemari	baju

Kereban Sanding

Abdullah Hassan. (2002). Tatabahasa Bahasa Melayu: Morfologi dan Sintaksis . Pahang:            PTS Publications & Distributors.

Ahmad Khair Mohd Nor. (2003). Pengantar Sintaksis Bahasa Melayu. Kuala Lumpur:  Utusan Publications & Distributors Sdn. Bhd. 

Bahagian Perkembangan Kurikulum. (2007). Sistem Jaku Iban di Sekula . Kuala Lumpur:               Kementerian Pelajaran Malaysia